ناخیر سؤزجویو (دیل حاقدا قیسا یازیلار ۷ )/ سید حیدر بیات

اوت 15, 2007 در 12:05 ق.ظ. | نوشته شده در فولکلور و ائل ادبیاتی, ادبیات | بیان دیدگاه

ایتده‌ن قوردا نه وار؟ سوروشسانیز دا آنجاق بو گون دلیجان یا نراق شهرینه عایید اولان نخجیر کؤهولو حاقدا بیر خبر اوخودوقدا بئینیمده بیر قورجاناق (جرقه) ووردو. سن اؤلمه‌یه‌سن اؤزودور، ناخیر ایله نخجیر یا ناخجیر بیر کلمه‌دیرلر.
تورکجه اولماغینی‌دا کسین دئمک اولماز.
نخجیر فارس کیلاسیک ادبیاتدا چوخ ایشله‌نیب‌دیر. تورک ادبیاتیندا آمما گؤزومه دیمه‌ییب. بیر عاغیللی‌سی تاپیلیب سوروشسا آی بالام یوخسا ایران‌دا تورک ادبیاتی اوخویان دا واردیر؟ البت کی جاوابیم منفی‌دیر. گؤزومه دیمه‌ییبدن موراد بئش اوچ دنه تورکجه اوخودوغوم دیوانلاری نظرده آلیرام.
آمما بو کلمه ناخیر شکلینده شهریارین حیدربابا منظومه‌سینده ده گلیب‌دیر:
آخشام باشی ناخیرینان گلنده
قودوقلاری چکیب ووراردیق بنده
ناخیر کئچیب گئدیب یئتنده کنده
حیوانلاری چیلپاق مینیب قوواردیق
سؤز چیخسیدی سینه گریب سوواردیق
حیدر بابا بند 34
سحر تئز دن ناخیرچی لار گلردی ،
قویون قووزو دام- باجادان ملردی،
عمه جانیم کؤرپه‌لرین بلردی،
تندیرلرین قووزاناردی توستوسو،
چوره کلرین گؤزل اییی، ایستی سی…

حیدر بابا بند 64

آیریجا ناخیر سؤزجویو فولکلوروموزدا گئنیشجه‌سینه ایشله‌نیب‌دیر.

دئییم‌لرده:
بیر ناخیر: بیر بؤلوک

مثل‌لرده:
ناخیر کؤکوندن گئدیب بو آلا دانا آختاریر
ناخیر دان آیریلیب ، طوله ده قالمیش
ناخیردان آیریلان قودوغو…
ناخیر چیخیر چیخسین چیخمیر بئزوو چیخیر (بو مثل آرتیق نئچه سوبای قارداش بیر ائوده یاشاییب و بؤیوکلر ائولنمه‌ییب کیچیک قارداشیندا ائولنمه‌یی نین اؤنونو کسنده ایشله‌نه‌ر)

یازیدان سونرا:
گوگلده ناخیر کلمه‌سینی آختاراندا گؤردوم: تاخیر یعنی گئجیکمه سؤزجویونو یالنیشجاسینا ناخیر تایپ ائدنلرده وار. بو حساب ایله مولانا نین مثنوی‌سی‌نین آلتینجی ؟ دفتری‌نین باشلانغیجی‌نی بئله ده یازماق اولار: اندکی این مثنوی ناخیر شد! / مهلتی بایست تا خون شیر شد

دیل حاقدا قیسا یازیلار 6

Advertisements

نوشتن دیدگاه »

RSS feed for comments on this post. TrackBack URI

  1. […] ناخیر سؤزجویو (دیل حاقدا قیسا یازیلار 7 )/ سید حیدر بیات سن اؤلمه‌یه‌سن اؤزودور، ناخیر ایله نخجیر یا ناخجیر بیر کلمه‌دیرلر. تورکجه اولماغینی‌دا کسین دئمک اولماز (tags: Danışma-Dili Folklor) […]

  2. سايين با سلام
    سيزي بو يولدا چاليشديغينيزا گؤره آلقيشلاييرام دئمك كي بيزيم ديل اوسته او قده ر آراشديرمايا قونو و زمين وار كي سايا گلمز. اسماعيل هادي بئيين بير كيتابي وار كي اؤز نوعوندا تاي سيز بير ايشدير آدي« فرهنگ ائتيمولوژيكي زبان توركي» هامان ريشه شناسي كي سيزين ايشينيزه يارار ساغ اولون مني له علاقه لنسز سيزه مينت دار اولاجام

  3. […] —- دیل حاقدا قیسا یازیلار ۷ […]

  4. […] (دیل حاقدا قیسا یازیلار۷) (دیل حاقدا قیسا یازیلار۶) […]


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

وب‌نوشت روی وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: