اورخان پاموک: ” تولستوي، داستایئوسکی و پروست کيمي يازيچيلاردان تاثيرلنميشم ”

سپتامبر 12, 2007 در 2:57 ب.ظ. | نوشته شده در ادبیات, خبر و تحلیل | 2 دیدگاه


نوبئل موکافاتيني آلاندان بري هفته سونو ايلک دفعه اينگيلتره‌يه گلن تورک يازيچي‌سي اورخان پاموک، لندنده تئمزا چايي‌نين ساحيلينده يئرلشن مشهور مدنيت مرکزي «Queen Elizabeth Hall» -ين مين نفرليک سالونوندا ادبيات سئورلرله گؤروشدو. گؤروش يازيچي‌نين بير چوخ آچيقلامالاري ايله ياددا قاليب.
گؤروشون تشکيلاتچيسي » The İndependent» قزئتي اولوب. قزئتين ادبي رئداکتورو «بوي تونکين» آچيليش نيطقينده يازيچي‌نين آوتوبيوقرافيياسي ايله گؤروش ايشتيراکچيلاريني تانيش ائديب.
داها سونرا سؤز آلان اورخان پاموک رومانلاريني يازارکن قيزييلا گونده‌ليک صؤحبتلريندن، ايستانبولدان و حياتين ايچيندن ايلهام آلديغيني سؤيله‌ييب. ايندي‌يه قدر 10 کيتاب يازديغيني، آما بوندان قات-قات چوخ قئيدلر ائتدي‌یيني و همين قئيدلردن يئري گلديکجه يارارلانديغيني دئين يازيچي گونون اکثر حيصه‌سيني يازي ماساسي‌نين آرخاسيندا کئچيردي‌یيني بيلديريب: » طبیعی کي، هر يازديغيملا مؤعجيزه ياراتميرام، آما يئنه داوام ائديرم » .
يئني روماني «کئچميش رنگلر «دن بعضي بؤلوملري دينله‌یيجيلره اوخويان پاموک، داها سونرا سواللاري جاوابلانديريب. رسسامليغا اولان ماراغي‌نين حياتينا تاثيريندن، عاييله‌سي‌نين تاثيرييله اؤنجه معمارليغا گيريشمه‌سيندن، آما داها سونرا يازيچي اولماغا قرار وئرمه‌سيندن دانيشان يازيچي، هر دفعه بو قرارين سببيني اوندان سوروشدوقدا اؤزونو » گؤزونه ايشيق دوشموش دووشان کيمي حس ائتدي‌یيني » دئييب: » بو سوالين آچيق و بيرمعنالي جاوابي يوخدور. اصلینده بو سورغونون تک جاوابي «ايستانبول» رومانيندادير. بو کيتابي همين سورغویا جاواب وئرمک اوچون يازديم» دئييب.
يازيچيدان شعرله رسسامليغي موقاييسه ائتمک ايسته‌نيلرکن، پاموک رسمين دونموش زامان و مکانا، شعرين، ادبياتين ايسه بيرباشا زامانا عایید اولدوغونو دئييب: «بيرينده مکانين، او بیریسینده زامانين وورغوسو گوجلودور»
پروست، تولستوي، داستایئوسکی کيمي يازارلاردان تاثيرلندي‌یيني ديله گتيرن يازيچي، اوشاقليغيندا و گنجليگينده رسم صنعتييله باغليليغين دا اونون ادبي باخيشلارينا تاثير ائتديگيني آچيقلاييب: «بو منه قهرمانلاريمين اطرافيني داها دقيق تصوير ائتمکده کؤمک ائدير «.
دينله‌یيجيلردن بيري پاموکا «سيزي لندن‌ده، بئرلين‌ده تقدير ائدير، موکافاتلانديرير، وطنينيز تورکييه‌ده ايسه حبسه آتماغا چاليشيرلار، بو پارادوکسو نئجه ايضاح ائدردينيز » سوالي وئريب. يازيچي جاوابيندا دئييب: «بورادا هئچ بير پارادوکس يوخدور. تورکييه‌ده هر کسين مني حبسه آتماق ايستمه‌سي-فيلان کيمي بير شئي ده يوخدور. تورکييه ده سياسي موباريزه وار. آوروپا بيرليگينه عوضو اولماق اطرافيندا موختليف باخيشلار اورتايا چيخير، ميلتچيلر، آوروپا طرفدارلاري، ديندارلار و س. منسه «دئموکراتييا، چاغداشليق، ليبئراللاشما و غربلشمه طرفدارييام » دئييرم » .
داها سونرا يازيچي اساس ايشي‌نين رومان يازماق اولدوغونو و هر جور تضييقدن تئز سييريليب يئنيدن يازي ماساسينا دؤنه بيلدي‌یيني سؤيله‌ييب.
سوندا آپاريجي بوي تونکي‌نين خوشبختليک حاقيندا سواليني جاوابلانديرارکن، اورخان پاموک اوزونو سالونا توتاراق بونلاري دئييب: » خوشبختليکله باغلي چوخ دوشونمه‌یین، بو سيزي بدبخت ائدر » .
بهروز
کؤچوروب حاضیرلایان: آلمایولو

قایناق: آلما قزئتی

Advertisements

2 دیدگاه »

RSS feed for comments on this post. TrackBack URI

  1. […] اورخان پاموک: ” تولستوي، داستایئوسکی و پروست کيمي يازيچيلاردان تاثيرلنميشم ” من دئموکراتييا، چاغداشليق، ليبئراللاشما و غربلشمه طرفدارييام (tags: Orhan-Pamuk Türkiyə) […]

  2. مقایسه استان یزد با استان خراسان شمالی

    در وبلاگ خوراسان بخوانید


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

وب‌نوشت روی وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: