قوم ساوه عاشیق موحیطی ۵ / دوکتور علی قافقازیالی

اکتبر 13, 2007 در 4:10 ق.ظ. | نوشته شده در فولکلور و ائل ادبیاتی, ادبیات | 4 دیدگاه

5.17.2. حسين علي حسيني (1970)

عاشیق حسین علی حسینی
عاشیق حسين علي حسيني

1970 ایلینده ساوه‌نین عابباس آباد بؤلگه‌سي‌نين صالح آباد کندینده دونيايا گلمیشدیر. 4 یاشیندا ايکن عائیله‌جه قوما کؤچموشلر، بورادا اؤیره‌نيمه‌ باشلاميش‌دير. باباسي اسماعیل تاکسيچي‌لیق ائدرمیش. يئددی قارداشدیرلار و اوچ باجیسی وار. 9 صينيفه قدر اوخوموش، 1986 » دا بالابان چالماغا باشلاميش، داها سونرا اوستاد ابوالفضل‌د‌ن زورنا چالماغي اؤیره‌نمیشدیر.
آرديندان عاشیق علی رمضانی‌دان چؤگور درسي آلميش، عئيني زاماندا تورک عاشیق‌لیق سنتی‌‌نین اصوللارینی دا اوندان اؤیره‌نميش‌دير. 1988 ایلینده ايران عراق ساواشی باشلايينجا اوخولو بيراخيپ جبهه‌یه گئتميش، جبهه‌ده‌ن دؤندوکده‌ن سونرا صنعتيني داوام ائتديرمیشدیر. دویون درنکلرده و محلی راديو، تلويزيون پروگراملاريندا عاشیقلارا بالابان و یا زورنا ایله ائشليک (همراهلیق)ائتمیشدیر. 20
یاشیندا عسکره گيتميش، ايکي ایل سربازلیق ائتمیش، قورتاراندان سونرا تهرانا گئدره‌ک » خانه-ي موسيقي» (موسيقي ائوي) و » انجمن موسيقي ايران » (ايران موسيقي توپلولوغو) جمعیتلرینه اویه‌ اولموشدور. داها سونرا قوم‌دا » انجمن سرود و آهنگهايی انقلابی » (انقلابی موسيقي توپلولوغو) تئشکيلاتي‌نين [محلی بؤلومونو] قورموشدور. بوتون تورکلره عایید محلی موزيک و چالغيلاري‌نين سوروملو مودورو تعيين ائديلميش، آيريجا قوم‌دا » آموزشگاه چؤگور » (چؤگور/ساز ائیيتيم ائوي) قورموش دور.
ساوه-قوم عاشیق موحیطينده اولان عاشیقلاري و بالابان، دايره ، چاوير(نئي)، ساز (زورنا)، داوول چالانلاري بو چؤگور/ساز ائیيتيم ائوينده توپلاميش، اونلارين قئیدلری یاپمیش و رسمي مقاملارا اونايلاتمیشدیر(معرفی ائتمیشدیر). بئله‌ليکله بوتون بو صنعتچيلري سيگورتا ائتتيرميش، دولت گووه‌نجه‌ (بیمه)‌سي آلتينا آلديرمیشدیر.

قوم و تهران راديو و تئلئويزيون لاريندا تورک عاشیق موزيکي پروگراملاري ياپماقدادیر.

اوتوز ياشینا گلدي‌یينده ابوالفضل آدلي بير آرکاداشی
اؤنجه اؤزو ايچين سونرا دا باباسي ايچين بير شعر يازماسيني ايسته‌ميش. علي حسيني آرکاداشی ابوالفضل و ابوالفضل’ين باباسي محرم ايچين شعر يازمیشدیر.

دیگر ياندان اونودولمايا باشلامیش عاشیق و هالاي هاوالاريني آتالاردان آنالاردان ییغیب اونلاري ضبط ائتمیشدیر.

20 مارت 2006 گونو قومـا گئتدی‌ییمده ايلک تانيشديغيم عاشیق، عاشیق حسين علي حسيني اولدو. اؤزونو یاخشی یئتیشدیرمیشدی. بيرنئچه سازی چالماقدادیر. چؤگور، چاوير، بالابان، دايره ، داوول… سازلاری‌نا مهارتی، شعرلری يوروملاماسي، تورک عاشیق‌لیق گله‌نه‌یی ایله ايلگيلي زنگين بيلگيسي ایله گله‌جک وادئدن بير عاشیق تاوري سرگیله‌مکده‌دير
. اوستاد عاشیقليغي‌نين يانيندا یاخشی بير يؤنه‌تيجي‌دير.

علي حسيني ، قوم’دا هم خالق‌موسيقي‌سی هم عاشیق موسيقي‌سي رشته‌سینده بير موسيقي‌ توپلولوغو قورماق اوزه‌رینده‌دیر. آيريجا شاهسئون تورکلري نين ميللی فولکلور ائکيپني اولوشدورماقدادیر.

علی رمضانی ایله بيرلیکده اؤنجه ساوه’ده » استریو تئلیم‌خان » آدلي بير استئریو قورموش و 190 کاسئت دولدورموشلار. داها سونرا قوم’دا » استریو شباهنک (ائل‌سئون) » موزيک ائويني قورموشلار. بورادا دا ایندیيه قدر 70’ده‌ن آرتیق کاسئت و سی‌دی دولدورموشلار.
تهران-کرج’ده بلدیه یانیندا چئشيتلي عاشیق هاوالاري پروگراملارينا قاتيلماقدادير.
دیگر ياندان قوم’ون منظریه پاديگانيندا ، همدان بیلیم یوردوندا، کبودراهنگ’ده ياپيلان جوتجولر بايراميندا (کشاورز نمونه مراسمینده) پروگرام ياپميشلار.
علی رمضاني ایله بيرلیکده » ساوه فرهنگ ائوي » نده، باکی » دا و تورکيه‌’نين قارص و ارزوروم شهرلرینده کونسئرتلر وئرمیشدیر.

حسین علي حسيني‌نين شعرلرینده‌ن اؤرنکلر

34

آتا

باشینا دولانيم مهربان آتا،
من سنينله نه‌دانيشيم نه دئييم؟
بو دونيادا منه غمخوار سن‌ايدين،
ايندي کي يوخدو قارداشیم نه دئييم؟

بير چاديرام، داياقسيزام ديرکسيز،
بير اوغلانام قارداشسيزام کؤمکسيز
سئويرديم آتامي من ده کلک‌سيز،
ايندي کي يوخدو سيرداشیم نه دئييم؟

گؤزوم باخا باخا گئتدي الیمنن،
هر يانا گئديرئم دوشمه‌ي ديليمنن،
غم پئيماني دولوب کئچدي سريمنن،
قآنا دؤنوب بو گؤز یاشیم نه دئييم؟

سن گزن يئرلري من گزه بيلمم
آيريليق چتيندي من دؤزه بيلمم،
سنسيز بو چايلاردا من اوزه بيلمه‌م،
ايندي کي يوخدو يولداشیم نه دئييم؟

پونهانلي سؤزوموز هئچ اولماز ايدي،
صوحبتین ائشيده‌ن هئچ دويماز ايدي،
خزان اولماسايدي گول سولماز ايدي،
بو فلکده‌ن نه دانيشيم نه دئييم؟

مزار

تک قالميشام غصه غمین ايچينده،
خزاننان گئديرئم باهارا ساري
هر قرار گزیرئم سني گؤرمورئم،
دولانيب گئديرئم مزارا ساري.

داها يوخدو منده حال-ي انتظار،
قآويم قارداش قوهوم ييغيليب آغلار،
آنا-باجيم حالي اولوب بیقرار،
لالا رنگيم اولوب بیمارا ساري.

دئديم آنا چوخ ائيله‌مه‌ آه او زار،
هله بيللم بو غم مني داغيدار،
حاییف گئده‌ننه‌رين فقط يادي وار،
آغ گونوموز دؤنوب قارايا ساري.

فيکريمنن چيخماراي هر لحظه هر دم
کيمسه يوخوم اولا منه بير همدم،
باش گؤتوروب بيلمم هايانا گئدئم،
دولانيب گئديرئم مزارا ساري.

خوجا علی‌يه

بيزده‌ن سالام اولسون حوجا علی‌یه
يول گؤستردي گليپ چاتتيم بورا من.
من بيليرديم آنا ديلين قدريني،
دوشموش ايديم اؤز ائليمده‌ن آرا من.

اوزاق اولوب ائليميزين آراسي،
سينمده سيزيللار هيجران ياراسي،
آغلاماقدان گئديب گؤزوم قاراسي،
آرزوم بودو بير ده چاتام يارا من.

عاشیقلارين صؤحبتینه ساز اولام،
نغمه‌لرین ياغيشينا ياز اولام،
چآلينيب چاغيريب خوش آواز اولام،
ساخسي دولسا بير ده گئدئم هارا من.

من آغلارام اولا درديم داواسي،
چؤگورچونون داها گلمير صداسي،
اونودولوب داستانلاري هاواسي،
قولاق وئرئم بير ده سازا، ييرا من

عاشیق حسین بير ده چؤگور چالاندا،
ائل ایچینه شادلیق شنليک سالاندا،
گليب ارزوروم’دا قوناق قالاندا،
دئدی تاپديم دردلريمه‌ چارا من.

لوطفا بو یازی حاقدا نظری‌لری‌نیزی بیزه گؤنده‌رین:
akafkasyali@hotmail.com
heydarbayat@gmail.com

قاباقکی بؤلوملر:

بیرینجی بؤلوم
ایکینجی بؤلوم
اوچونجو بؤلوم
دؤردونجو بؤلوم

———-
آلمایولو
http://www.hbayat.com

Advertisements

4 دیدگاه »

RSS feed for comments on this post. TrackBack URI

  1. سلام
    تأسوف له بیلدیرتمه لی یم کی:ساوه نیی کندلریندن اولان جوشقان لو عاشیق علی ولدخانی بیر ترافیک قضاسی ندنی ایله آغیر وضعیت ده یاشاییر-ایکی هفته کما حالتیندن سونرا تازا هوشا گلیب-اونا دعا ائدک.عاشیق علی ولدخانی 860429 دا حکیم تیلیم خان قورولتاییندا شرکت ائتمیشدیر.جوشقان کندی مرغئی کندینین 8 کیلومتریسینده دیر و بایات دهستانی-نوبران بخشی اوستونه دیر.

  2. […] قوم ساوه عاشیق موحیطی 5 / دوکتور علی قافقازیالی عاشیق حسين علي حسيني (tags: Aşıqlar Musiqi) […]

  3. سيد جان سلام
    من سنين سايتي‌لاريندان بير نشانه گومه ديم كي سنين طلبه اولدوغون گوستره.

    —-
    اگر طلبه اولماق قدیم طلبه لر کیمی اوچ اتک گئیمک دیر سه دوزدور من طلبه دئییلم. اما اگر تقوایا و انسانا و دغرو یولا چالیشماقدیرسا من اؤزومو بیر طلبه تانیرام. اونوتمایین کی منیم دین ساحه سینه عایید تحقیقلریم کیتاب شکلینده جاضیرلانیر.

  4. […] قوم ساوه عاشیق موحیطی 1/ دوکتور علی قافقازیالی – آلمایولو قوم ساوه عاشیق موحیطی 2 / دوکتور علی قافقازیالی – آلمایولو قوم ساوه عاشیق موحیطی 3 / دوکتور علی قافقازیالی – آلمایولو قوم ساوه عاشیق موحیطی 4 / دوکتور علی قافقازیالی – آلمایولو قوم ساوه عاشیق موحیطی 5 / دوکتور علی قافقازیالی – آلمایولو […]


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: