آیدین صحیفه‌لره دوغرو / سید حیدر بیات

اکتبر 27, 2007 در 4:22 ب.ظ. | نوشته شده در ادبیات | 4 دیدگاه

آذربایجان حرکتی ایله تانیش اولاندان بری, حرکته سورکلی اولاراق قاتیلسام دا آنجاق بو حرکتین فعال‌لاری ایله سیخ گؤروشوم چوخ اولماییبد‌یر. یالنیز بعضی فعال‌لاریمیزلا آراسیرا تؤرن‌لرده و ها بئله تهراندا گؤروشلریم اولوبدور. نه ایسه چوخلو فعال‌لارلا تانیش اولمادان پئشمان اولموشام بو چوخ اورک آغریدیجی بیر مسئله‌دیر .
بیلیرم حئیرت ائله‌ییرسیز، بو فعال‌لاردا هانسی منفی داورانیش وار کی من بئله یازیرام؟ یوخ، یانیلمایین من فعال‌لاریمیزدا هانسی بیر منفی مسئله ایله قارشیلاشمامیشام. منیم پئشمانچیلیغیم باشقا یؤندن اولوب.
باخین بیر گنج آنجاق اورتایاشلی‌لیغا دوغرو گئدن بیر گنج ایله بیر ساعات یاریم تهراندا دانیشدیق، سونرا آیریلدیق، هله هئچ بیر آی بو مسئله‌نین اوستوندن کئچمه‌میش، سیته‌لرده یازدیلار: آذربایجان باشین ساغ اولسون سهند افشاری دونیاسینی دئییشدی.
بو سهند کیمدیر؟ ایکی گون بو خبری گؤرندن بری کافی‌نته گئتمیشدیم، گؤردوم سیته‌لرین بیریسی لینک وئریب: سهند افشاری‌نین وبلاگی. لینکی تیکله‌ییب شکیل‌لری یاریم یاریمچیق آچمامیش حالیم پوزولدو، یاهو ایمیلی‌می سیگن اوت اولمامیش آچیق قالدی، کافی‌نت‌چی‌له تئز حیسابلاشیب آغلایا آغلایا ائوه قاییتدیم. ایندی یادیما گلیر تهراندا بیر ساعات دانیشدیغیم فعالین آدی سهند ایدی. سهندی گؤرمه‌سه‌ایدیم هئچ بو قدر یانمازدیم آخی.
بو مسئله داها چوخ واخت صادق اولوب‌دور، عبدالله جاوانلا اوزاقدان اوزاغا هئچ آدینی بیلمه‌دن جؤهره‌سینی تانیسامدا بو ایل ایکی یول یاخیندان سلام علیک ائتدیک. سون گؤروشوموز ساوه‌نین مره‌غئی کندینده تیلیم خان تؤره‌نین‌ده ایدی. اورادا عبدالله جاوان حئیرتله دئییردی: «قارداش! بو کندلر هامیسی تورکوموش بیز بیلمه‌ییردیک هئج.»
بیر باشقاسی ایسه: ایرانین چوخ یئری بئله‌دیر، ایراندا تورک دیلی بیر دنیز و فارس دیلی بیر آدا (جزیره)دیر، آمما قویماییرلار بو بلله‌نه.
بهروز صفری‌نی چوخدان‌دا بری تانیردیم، اوندالاردا ایکیمیزده تورکچو اولساقدا آنجاق حرکت ایله تانیش دئییلدیک. بهروز زنگانین فردوسی خیاوانیندا موزیک کاسئتلری ساتاردی. من اوندان، اوزئیر حاجی‌بی‌اوفون کوراوغلو اوپراسی‌نی آلدیم. سونرالار ستارخان مراسیمینده بیلدیم او دا آذربایجان دردینه مبتلا اولوبدور.
غنی‌لو ایله اوچ دؤرد دؤنه یاخیندان گؤروشوموز اولدو، سون گؤروشوموز حکیم هیدجی قورولتاییندا ایدی.
صالح کامرانی ایله بئش آی اولماز یاخیندان مختصر گؤروش – دانیشیمیز.
**
او دئمیشکن: «هر گؤزله عاشیق اولدوم اوزوک سالدی بارماغینا»، بئله بیر دورومدا کی، فعال‌لاری بول بول فارسلار دئمیشکن فله‌ای توتوقلاییرلار، کیمسه ایله تانیشماق هئچ ده صرف ائله‌میر. آخی آدام بیریسینی یاخیندان تانیماسا بئله اوزولمز کی.
ایندی بلکه سیز ده منیمله راضیلاشاسیز کی انسان فعال‌لارلا تانیش اولماقدان پئشمان اولور.
نه ایسه بو گونلر کئچر و بو مبارزه – افتخار واراقلاری آیدین صحیفه‌لره دوغرو واراقلانار.
…او گونون اومودو ایله…

Advertisements

4 دیدگاه »

RSS feed for comments on this post. TrackBack URI

  1. […] آیدین صحیفه‌لره دوغرو / سید حیدر بیات هر گؤزله عاشیق اولدوم اوزوک سالدی بارماغینا (tags: Türk-Milli-Hərəkəti) […]

  2. بله جناب بیات . بئله دیر . بیز ده ایندی سعید-ی جلیل-ی – بهروز-و و باشقا آذربایجان فعالارینی دوستاقدا ، ایشکنجه آلتیندا گؤرمکدن ایچیمیزده یانیب ، کول اولوروق ! آما بیلیرسینیز بو مسئله یه آیری یؤندن باخیلیرسا ، اینسان باشین یوخاری توتوب چوخ گوونیر کی بئله دوستلاری و وطنداشلاری وار. ما شاالله هر بیری بیر اصلان کیمی ، بیر سارسیلماز بؤیوک داغ کیمی ، سعید کیمی ؛ جلیل کیمی و… باخ یقین بیر گون ظالیم لر ایشلرینین سونوجونو گؤرجک و دادینی دویاجاغلار ! او گون قارالیق گئدجک ، آردیندان آیندیلیق گلجک دیر یقین !
    « زنگان بولگه سیندن »

  3. جناب حیدر بیات بی ساخلیق ایستیرم بو دیرلی یازقلاریزینان تورک کولتورین دیرلندریسیز

    یاشاسین چالیشقان وحق سئور انسان نار


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: