مزه دده‌می یاندیردی / سید حیدر بیات

فوریه 4, 2008 در 12:19 ق.ظ. | نوشته شده در ادبیات | 5 دیدگاه

کئچن آخشام آقای عظیمی‌نین یئنی حوکمونه عایید وکیل آردینجا گئتمیشدیک. وکیل قزوینلی فارسلاشمیش بیر تورک‌ایدی. بیزیمله بحثه گیردی. نه‌لر دئدی هله قالسین. آمما بیر سؤزو داها شاهکار ایدی. دئدی کی « بیر یول ختم مجلسیمیزده مداح مندن سوروشدو تورکو اوخویوم دئدیم اوخو. بلی بیزیم کی تورکو ایله موشکولوموز یوخ». دئدیم: «شاهکار ائدیبسن دوغرودان، بیر تورک بوتون اوخودوغو کیتابلار فارسجا، دانیشدیغی دیل فارسجا، اؤزو، اوشاقلاری و خانیمی فارسجا دانیشیر آنجاق بیر دؤنه تورکجه مرثیه‌یه قولاق آسیب! به‌به! بوندان شاهکار ایش تاپیلار می؟» و منیم یئریم بورا دئییل دئیه دوروب ائشیگه چیخدیم.
باشقا بیر یولداش دا بیزیمله گلمیشدی. او دئدی: «بو وکیله وئرسه‌لر حاج آقانین جزاسینی ایکی قات آرتیرار دئیر بیر ایل آزدیر.»
دوز دئییردی. ائله بیل یئنه وکیلدن قاضی‌یا پناه آپارمالی‌ییق. او نئجه دئیرلر بیریسی‌نین مزه‌سی بیبا‌ریمیش، هر ایچدیکده بیر آز بیبار آتیرمیش آغزینا زهرمارین آجی‌سینی آلسین، سونرا گؤرر مزه شرابدان داها آجی‌دیر، یاندیریب تؤکور، چیغیرار: شاراب وئر، مزه دده‌می یاندیردی.

یازیدان سونرا:1.

بو ماجرانی گؤرندن بری ده‌یرلی وکیلیمیز، صالح کامرانی‌یا اوره‌ییمده ساغ اول دئدیم.

2. آقای عظیمی‌یه عایید خبری بورادا اوخویا بیلرسیز

Advertisements

5 دیدگاه »

RSS feed for comments on this post. TrackBack URI

  1. عزیزیم آغ اللر، آغ اللر آغ بیلکلر،
    کؤچن یوردون قدرینی دوشن یورددا بیلرلر.

    بو اوسته کی مثل بیات بگین یازدیغی ایفاده یه دایاق اولاراق یازیلدی. آنجاق صالح کامرانی بوگون میللی مسئله یه دایاق اولماقلا میللی شرفینی اؤده میش اولدو. فارسلاشمیش میللی بیلینجسیزلر ایسه جیبلرینی دولدورماقلا ایکی سره بیر دره گزیسینده آوارا قالمیش گؤرونورلر.

  2. اوسته کی ایفاده ده میللی بورج، میللی شرف یازیلمیش عوذور دیله نیر.

  3. مزه دده ميزي، شاراب دا اٶزوموزو يانديرير…. يانماق بيزيم قيسمتيميزده وار ايميش دئمك…. چوخ گٶزه ل يازي ايدي. اونو سايين وكيل اوچون، قزوين-آزربايجان وئبلاغينا يئرله شديرديم. آلما يولونون لوقوسونو دا- يانليشيقلا سيليمله نميشدي (حذف ائديلميشدي) گنه سٶزوموزه اكله ديم. اسه ن قالين

  4. (سحرینگ خیر )تورکی دیر (صبح بخیر )تاتی
    تاتی ایله تورکی یی ائدمینگ قاطی
    تات اینان تاتی دِ تورک اینان تورکی
    اوشاقلاری ائدمینگ تات یولداشُم

    تیمور گردانی

  5. […] مزه دده‌می یاندیردی / سید حیدر بیات […]


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

وب‌نوشت روی وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: