آنا دیلینده سوسماق هامی‌یا مومکون مو؟ / سید حیدر بیات

فوریه 20, 2008 در 10:41 ب.ظ. | نوشته شده در ادبیات | 2 دیدگاه

ووقار نعمت بیر شعرینده یازمیشدی:
«…آنجاق اونلار نه بیلیر؟
من سکوت ائتسم‌ ده
آنا دیلینده
سکوت ائده‌جه‌یم…»

فیکیرلشدیم دوغرو دئییر دیل‌لی‌لر سوسسالاردا بئله آنا دیلینده سوسارلار؟ آمما لا‌ل‌لار نئجه؟
باغچه‌بان بو قرنین باشلانیشلاریندا کارلارا و لا‌ل‌لارا باغچا آچدی، آیریجا اوشاقلارا دا بیر تورکجه شعر کیتابی یازدی. کیتابین آدی «پروانه‌نین سرگذشتی».
لال‌لار تبریزده آنا دیلینده دانیشماق اؤیرنمه‌سه‌لر ده آنا دیلینده یازماق، اوخوماق، دوشونمک و هامیسندان اؤنملی آنا دیلینده سوسماق اؤیرنیردیلر. آمما بو مسئله اوزون سورمه‌دی. مرکزی حکومت هؤرومجک کیمی بوتون آنا دیلینه آچیلان پنجره‌لرین و باجالارین اؤنونه تور چکدی، و یابانجیلیق یاراسالاری بو اؤلکه‌نین ماوی‌سینه دارادی.
ایندی تکجه دیل‌لی‌لر دئییل بلکه لا‌ل‌لار دا یابانجیلیق اؤیره‌نیرلر. آنجاق دیل‌لی‌لرین قولاقلاری وار، تلوزیوندا، اوخولدا دا اولماسا، کوچه‌، بازاردا تورکجه‌نی ائشیده‌ بیلیرلر. یازیق لا‌ل‌لار. اونلار دیلی یالنیز اشارتله و باشقا ائییتیم تکنیک‌لری ایله اؤیره‌نیرلر، بو تکینک‌لر بوتون شوونیست خدمتینده‌دیر. شوونیسم ایسه اونلارا اؤز یوخ اؤزگه، آنا دیلی یوخ یابانجی دیل اؤیره‌دیر. آجی‌دیر. ایراندا یوزلر و بلکه‌ده مین‌لر تورک آتا آنادان اولان لال اوشاقلار بیر کلمه بئله اؤز دیل‌لرینی بیلمه‌ییر. اونلار بوتون فارس اولوبلار و بیر گون دیل آچسالار آنالاری – آتالاری نه دئییر دؤشونمه‌یه‌جک‌لر.
کورلار و نابینالارین دورومو دا هئچ یاخشی دئییل. اونلارا یازیلان بیریل خطلی اؤزل کیتابلار بوتون فارس دیلینده‌دیر. یالنیز بیر ایکی شعر کیتابی اونلارین اؤز همتی ایله او خط ایله یازیلیب‌دیر.
ایستیردیم دئیم کی تکجه آنا دیلینده دانیشماق دئییل آنا دیلینده سوسماق دا هامی‌یا مومکون دئییل.

—-
یاراسا: خفاش
ائییتیم: آموزش
یابانجی: بیگانه

Advertisements

2 دیدگاه »

RSS feed for comments on this post. TrackBack URI

  1. گون آیدین جانیم سوی داشیم
    گلین ال اله وئریب بیر یئره توپلاناخ . اجازه نیزله سیزین وب ایزی تورک بلاگلاری قوروپونا باغلامیشیخ .اگر ایسته میرسیزسه یا هر بویوروغوز اولورسا حتما منه دئیه رسیز.دیرلیک بیرلیکده دیر.
    لوطفن بو آدرسی اؤز وبلاقیزا سانجاقلایین (لینک ائدین)بو عنوانیله:گونئی آزربایجان وبلاقلاری
    یاشاسین بؤیوک آذربایجان

  2. ساوانین گورمه لی یئرلری
    قیز قالاسی:
    http://www.hamshahrionline.ir/News/?id=35220


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

وب‌نوشت روی وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: