اوستاد بهزاد بهزادي نين حیاتینا قیسا باخیش

فوریه 28, 2008 در 7:59 ب.ظ. | نوشته شده در ادبیات | 3 دیدگاه


آد: بهزاد بهزادي

دوْغوم ايلي و يئري: آستارا, 1306- نجي گوٍنش ايلي دي آيي نين ايكيسي.

تحصيلات: 1322-جي ايلده اوْرتا مكتبي (دوْققوزونجو كلاس) بيرينجي ليك قازاناراق آستارا حكيم نظامي مدرسه سينده قورتاردي.

1324- جي ايلده تهران معلم چيليك مكتبي ني (دانشسراي مقدماتي) اوٍستونلوك قازاناراق باشا چاتديردي.

1324- جي ايلده دوًولتي يارديمدان استيفاده ائده رك عالي معليم چيليك مكتبينده (دانشسرايعالي) تحصيله داوام وئرمگه باشلادي. آنجاق دوًولتي يارديم گئري دوٍشدوگونه گوًره بهمن آييندا اوْراني ترك ائتدي.

1325- جي ايل آذربايجان اونيورسيته سينده رياضيات- فيزيك فاكولته سينده آد يازديردي. لاكين اونيورسيته آذر آييندا باغلاندي.

1344- جي ايلده تهران حقوق (قضايي) دانيشكده سيندن ليسانس آلدي.

اينانيركي اوًزيانيندا اوًيرنمه يوْلو داها ال وئريشلي دير.

مشاغل: آستارا , تبريز, سمنان, تهران, نوشهر (علمده) مكتب لرينده موٍعليم.

ـ بيمه ملي شركتينده كارمند و سوْنرا موٍديرلر هئياتي عوٍضوو.

ـ بيمه تهران شركتي نين قورانلاريندان و موٍديرلر هئياتي عوٍضوو.

ـ ايران انبارهاي عمومي شركتي نين باش موٍديري.

ايجتيماعي‌ومطبوعاتي ايشلري:آذربايجان اونيورسيته سي طلبه لر ايتيفاقي نين بيرينجي كاتيب (1325)

ـ »بشير آينده« قزئتي نين باش يازاري (1330)

ـ »آذربايجان« قزئتي نين باش يازاري (34- 1330)

ـ انبارهاي عمومي نين بين الملل فدراسيونون قورجولاريندان و سوْنرا اوْنون رئيسي

ـ محكمه وكيل لري مركزي اوْجاغي نين سئچلميش موٍديرلر هئياتي عوٍضوو.

ـ محكمه وكيل لرينين تقاعد صانديغي نين قوروجولاريندان و كؤنوللو اوْلاراق اوْنون مشورتچيسي.

– آذربايجان مدني درنك لرينده ايشتيراك.

اثرلري:

«سيماي معنوي ملت ما»- كالينين (1326) – ترجومه.

«دربارة جنبش ملي- دموكراتيك آذربايجان جنوبي», ميرزه ابراهيموف (1331)– ترجومه.

گفتگو درباره بيمه عمر,- (1345)

«دو نمايشنامه», از آثار ميرزه ابرهيموف (1369)– ترجومه.

«ايكي نومايش نامه», از آثار ميرزه ابراهيموف (1369) – كوًچورمه.

آذربايجانجا- فارسجا سوًزلوك(1369)

فارسجا – آذربايجانجا سوًزلوك (ايكي جيلد) (1377)

آذربايجان ديلي نين ايضاحلي لوٍغتي– ساوئت آذربايجاني علملر آكادميياسي- 3 جيلد (1376)– كوًچورمه.

درباره نگارش زبان آذربايجان (1379)

«دده م قورقوت», اوغوزلارين آذربايجان توركجه سينده يازيلميش اوًنملي حماسي , ادبي, اثري, فارسجا ترجومه سي- (چاپ اولونور.)

قایناق

Advertisements

3 دیدگاه »

RSS feed for comments on this post. TrackBack URI

  1. Gəlimli gedimli dünya
    son ucu ölümlü dünya
    əcəl aldı torpaq gizlədi
    fani dünya kimə qaldı
    dilimizin qayğısını çəkən,sözcüklərlə uğraşan , ədəbiyatımıza dəyişilməz əmək verən gözəl birisini itirdik.Sözcüklerimizlə uğraşanımız sayın Behzad Bezadı sözcüklərə qoşulub getdi.Adının yaşayacağına yolunun sürəcəyinə ınanıb anıram o gözəl bilginimizi.

  2. بهزاد بهزادی دا یارادیجیلیق دونیاسینی دگیشدی!

    آنام یالنیز قرآن اوخوماغی باجاراردی، آتام (ایسه) ضیالی، مترقی و قاباقچیل بیر اجتماعی خادیم ایدی. … اونون معنوی سیماسی، اجتماعی داورانیشی، گؤردوگو ایشلری حاققیندا افسانه لره اوخشار سؤزلر دیللرده گزیر (بهزاد بهزادی، آذربایجانجا- فارسچا سؤزلوک، ه.ش 1369 – م.1990).

    گئجه دیر، چوخو بیلمز نئجه دیر، گونوز مو یوخسا گئجه دیر؟
    ایران ممالیکی محروسه سینده فارس ایستعمارچیلیک چمبره سینده توتولموش، دیلی باغلی، اؤز دیل و مدنیتینه یول تاپماغا محروم ائدیلمیش بیر میللته سؤزلوک کیتابی یازان، بو ایشلری ایله او خالقا، اونون دیل و مدنیتینه سئوگی و ایسته گی نین نه اؤلچوده درین اولدوغونون گؤستره بیلمیش دئییه دوشونمه لی ییک. بو سئوگی، بو ایستک بهزاد بهزادی سیماسیندا اؤزونو آذربایجان دیل و مدنیتی ایله اوغراشانلارا گؤستره بیلمیش دئسک، بو بؤیوک عالیمی باشا دوشمگه چالیشمیش گؤرونریک.
    خالقی نین دیلی و مدنیتی اوغروندا دورمادان قلم ووران و آذربایجان گنج نسلینه میللی و مدنی معاریف لندیرمکده یازدیغی کتابلاری ایله کؤمکچی اولان، حقوقچو بهزاد بهزادی، دؤرد جیلیدلیک «آذربایجان ایضاحلی لغتی»نین فارسچایا چئویرنی، آذربایجانجا- فارسچا و فارسچا- آذربایجانجا سؤزلوک کتابلاری نین مؤللیفی، «فصلنامه آذری» آدلی درگی نین سوروملوسو (باش کاتیبی) و بیر چوخلو عئلمی مقاله لرین مؤللیفی اولان بهزاد بهزادی دونیاسینی دگیشمیش. بو ایتگینی آذربایجان خالقینا، هابئله بهزاد بهزادی ذات عالی نین یاشام یولداشینا (حشمت حافظی خانیما)، اوغول و اوشاقلارینا باش ساغلیغی وئره رک بهزاد بهزادی نین مدنیت قایغی چکرلیگی، امک و زحمتلرینی کئچیشده اولدوغو کیمی یوکسک دگرلندیره جه ییک و خاطیره سینی یاشام بویو آغیرلایاجاغیق دئیه دونیا مدنیت ایجتماعیتینه بو بؤیوک ایتگینی بیلدیرمک ایستردیک.
    یارادیجیلیق یولو کاروانلی و خاطیره سی اورکلرده ابدی یاشاسین!

    ایشیق سؤنمز 28.02.2008

  3. سلام
    بیر خوش خبر وئردین، آنجاق اوستاد بئهزادینین وفاتی آجی خبریله حالیمیزی پوزدون.
    من ده باش ساغلیغی دئییرم


پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن /  تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن /  تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن /  تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن /  تغییر دادن )

درحال اتصال به %s

ساخت یک وب‌گاه یا وب‌نوشت رایگان در وردپرس.کام.
Entries و دیدگاه‌ها feeds.

%d وب‌نوشت‌نویس این را دوست دارند: